Усебеларускі народны сход – гарант палітычнай стабільнасці і суверэнітэту
Падзеі
Ва ўсіх рэгіёнах рэспублікі і г.Мінску, а таксама ў палатах Парламента і Вярхоўным Cудзе адбыліся сходы дэлегатаў Усебеларускага народнага сходу
У серыі сустрэч дэлегатаў прынялі ўдзел кіраўнікі рэгіянальных дэлегацый, кіраўніцтва палат Парламента, Вярхоўнага і Канстытуцыйнага Судоў, члены Прэзідыума УНС.
У ходзе мерапрыемстваў да дэлегатаў даведзены мэты і задачы, якія стаяць перад УНС, а таксама арганізацыйная структура Сходу.
Як адзначыў у час адной з такіх сустрэч Намеснік Старшыні УНС Косінец А.М., на аснове гэтай структуры і давядзецца працаваць 10 дэлегацыям, сфарміраваным па галіновым (дэлегаты ад Урада), прававым (дэлегаты ад заканадаўчай і судовай улады) і рэгіянальным (дэлегаты ад абласцей і г.Мінска) прынцыпах.
Акрамя таго, дэлегатамі абмеркаваны вынікі выканання Праграмы сацыяльна-эканамічнага развіцця Рэспублікі Беларусь на бягучую пяцігодку, а таксама праекты праграмных дакументаў, якія ўключаюць праекты канцэпцыі Праграмы сацыяльна-эканамічнага развіцця Рэспублікі Беларусь на 2026 – 2030 гады і Нацыянальнай стратэгіі ўстойлівага развіцця Рэспублікі Беларусь на перыяд да 2040 года.
Праведзеныя мерапрыемствы далі магчымасць арганізаваць узаемадзеянне з кожным дэлегатам УНС, давесці да іх інфармацыю аб неабходнасці актыўнага ўдзелу ў вызначэнні стратэгічных напрамкаў развіцця рэспублікі, прыняцці ключавых рашэнняў, якія датычацца далейшага жыцця грамадства і дзяржавы. Паколькі галоўная якасць дэлегата – высокая адказнасць і ўсямерны клопат пра будучыню сваёй краіны.
Цяпер задача кожнага дэлегата УНС у сябе на месцах абмеркаваць у ходзе сустрэч з насельніцтвам і працоўнымі калектывамі вынікі рэалізацыі Праграмы сацыяльна-эканамічнага развіцця Беларусі на 2021–2025 гады і канцэптуальныя палажэнні праграмы сацыяльна-эканамічнага развіцця на наступную пяцігодку.
