Усебеларускі народны сход – гарант палітычнай стабільнасці і суверэнітэту
Падзеі
Параметры Прагнозу-2026 адпавядаюць стратэгічнай траекторыі, зададзенай праграмай новай пяцігодкі
Дэлегат Усебеларускага народнага сходу Міністр эканомікі Юрый Чабатар, выступаючы 12 верасня на пасяджэнні экспертнага савета пры Савеце Рэспублікі Нацыянальнага сходу Рэспублікі Беларусь, расказаў аб параметрах прагнозу на 2026 год і задачах вытворчай, інвестыцыйнай і экспартнай праграм, за кошт якіх будуць дасягацца запланаваная дынаміка па валавым унутраным прадукце, даходах насельніцтва і іншых ключавых макрапаказчыках.
Асаблівую ўвагу Міністр удзяліў трансфармацыі падыходаў да фарміравання мэтавага плана. У новай пяцігодцы планаванне набывае больш дакладную, лічбавую і персаналізаваную форму.
«Мы поўнасцю ўвязалі мэтавы план з праектам Праграмы сацыяльна-эканамічнага развіцця Рэспублікі Беларусь на 2026–2030 гады, забяспечыўшы кадыфікацыю задач пяцігодкі, дзяржаўных праграм і мэтавага плана. Яшчэ адно новаўвядзенне – персаналізацыя адказнасці. Для ўсіх ведамстваў складзены індывідуальны пашпарт абавязковых, пераведзеных у лічбавы фармат задач. Цяпер кожны кіраўнік бачыць не проста аб'ём работы, а свой уклад у развіццё краіны. Другі блок змяненняў датычыцца сістэмы ацэнкі. Міністэрства эканомікі ставіць у аснову фокус на павышэнне эфектыўнасці работы», – растлумачыў Юрый Чабатар.
Паводле матэрыялаў сайта Міністэрства эканомікі Рэспублікі Беларусь.
