Усебеларускі народны сход – гарант палітычнай стабільнасці і суверэнітэту
Падзеі
У Палату прадстаўнікоў унесены законапраект аб змяненні законаў у сферы забеспячэння нацбяспекі
У Палату прадстаўнікоў Нацыянальнага сходу Рэспублікі Беларусь Урадам унесены законапраект, падрыхтаваны ў мэтах удасканалення заканадаўства ў сферы забеспячэння нацыянальнай бяспекі.
Новы праект прадугледжвае ўнясенне змяненняў у законы "Аб змяненні законаў", "Аб дзяржаўнай дактыласкапічнай рэгістрацыі", "Аб Дзяржаўнай граніцы Рэспублікі Беларусь", "Аб органах пагранічнай службы Рэспублікі Беларусь" і "Аб прававым становішчы замежных грамадзян і асоб без грамадзянства ў Рэспубліцы Беларусь".
Законапраектам удакладняюцца пералік асоб, якія падлягаюць абавязковай дактыласкапічнай рэгістрацыі, звесткі, што фіксуюцца ў ходзе гэтай рэгістрацыі, тэрміны захоўвання і парадак доступу да дактыласкапічнай інфармацыі.
Органы пагранічнай службы надзяляюцца паўнамоцтвамі на правядзенне абавязковай дзяржаўнай дактыласкапічнай рэгістрацыі, атрыманне, выкарыстанне і захоўванне дактыласкапічнай інфармацыі.
Законапраектам таксама ўстанаўліваецца абавязак для юрыдычных асоб і індывідуальных прадпрымальнікаў, якія выконваюць міжнародныя аўтамабільныя перавозкі пасажыраў, бясплатна перадаваць персанальныя даныя пасажыраў у інфармацыйныя сістэмы Міністэрства транспарту і камунікацый; а таксама працэдура праходжання пагранічнага кантролю дапаўняецца магчымасцю ажыццяўлення асабістага надгляду грамадзян і рэчаў, што знаходзяцца пры іх, у тым ліку з дапамогай тэхнічных і спецыяльных сродкаў.
Паводле матэрыялаў БЕЛТА.
