Усебеларускі народны сход – гарант палітычнай стабільнасці і суверэнітэту
Падзеі
Прывітальнае слова Прэзідэнта Рэспублікі Беларусь,
Старшыні Усебеларускага народнага сходу
Дарагія сябры!
Вітаю вас на інтэрнэт-сайце Усебеларускага народнага сходу!
Гісторыя нашага ўнікальнага агульнанароднага форуму налічвае амаль тры дзесяцігоддзі. Увесь гэты час яго дзейнасць шырока асвятлялася ў сродках масавай інфармацыі, на дыскусійных пляцоўках, у ходзе сустрэч дэлегатаў з працоўнымі калектывамі, нязменна выклікаючы шчырую цікавасць у нашых грамадзян.
Сёння інфармацыйная прастора істотна змянілася і прадаўжае мяняцца. Вядучую ролю адыгрывае Інтэрнэт. Ён стаў асноўным каналам для атрымання грамадска значнай інфармацыі, у тым ліку аб рабоце дзяржаўных органаў.
Усебеларускі народны сход у сваім новым канстытуцыйным статусе ідзе ў нагу з часам, а галоснасць была і застаецца адным з найважнейшых прынцыпаў яго дзейнасці.
Сімвалічна, што сайт пачаў функцыянаваць у знамянальны год, калі ўся наша краіна адзначае 80-годдзе Вялікай Перамогі. З'яднанасць савецкага народа ў той лёсавызначальны час стала вырашальным фактарам Перамогі над фашызмам. І сёння ўмацаванне адзінства беларускага народа, грамадзянскай згоды з'яўляецца ідэалагічнай дамінантай як дзяржаўнай улады ў цэлым, так і вышэйшага прадстаўнічага органа народаўладдзя Рэспублікі Беларусь.
Перакананы, што сайт заваюе значную аўдыторыю, стане правадніком найважнейшых рашэнняў і крыніцай аператыўнай і аб'ектыўнай інфармацыі аб дзейнасці Усебеларускага народнага сходу, а таксама будзе садзейнічаць актыўнай грамадскай дыскусіі па ключавых пытаннях развіцця дзяржавы і грамадства.
Прэзідэнт Рэспублікі Беларусь,
Старшыня Усебеларускага
народнага сходу
А.Р.Лукашэнка
