Усебеларускі народны сход Час выбраў нас!

Падзеі

Адзінства народа – адзінства пакаленняў. У Беларусі з’явілася першая ў краіне музейная экспазіцыя, прысвечаная Усебеларускаму народнаму сходу

Па ініцыятыве старшыні Пастаяннай камісіі Палаты прадстаўнікоў Нацыянальнага сходу па заканадаўстве, члена Прэзідыума Усебеларускага народнага сходу Марыны Лянчэўскай у мінскай гімназіі № 37 з’явілася адзіная пакуль у краіне экспазіцыя «Гісторыя адзінства».

Праект быў рэалізаваны сумесна з дэлегатамі Усебеларускага народнага сходу ад Фрунзенскага раёна Мінска і актыўнымі грамадзянамі.

– Гэта адукацыйная і культурная прастора распрацавана для захавання, вывучэння і папулярызацыі матэрыялаў аб дзейнасці Усебеларускага народнага сходу і арыентавана на фарміраванне ў навучэнцаў пачуцця грамадзянскасці, патрыятызму, павагі да гістарычнага мінулага Беларусі, атмасферы міру і згоды ў беларускім грамадстве, - адзначыла дэпутат.

«Адзінства народа – адзінства пакаленняў» – так абазначылі аўтары выставы яе дэвіз. Яна прызначана выявіць і захаваць на пастаяннай аснове прадметы і навукова-дапаможныя матэрыялы аб Усебеларускім народным сходзе, садзейнічаць станаўленню грамадзяніна сродкамі музейнай педагогікі.

Парламентарый выказала ўпэўненасць, што музейная экспазіцыя стане платформай для стасункаў людзей розных пакаленняў, дыялогавай пляцоўкай для абмеркавання грамадска-палітычных пытанняў, месцам прэзентацый і творчых сустрэч, уключаючы ў свае праекты навучэнцаў  устаноў адукацыі, моладзь, дзяржаўных і палітычных дзеячаў:

– Матэрыялы экспазіцыі накіраваны на фарміраванне цікавасці да вывучэння гісторыі станаўлення, развіцця Усебеларускага народнага сходу і дасягненняў сацыяльна-эканамічнага развіцця Рэспублікі Беларусь у перыяд з 1996 года да гэтага часу. Чаканы эфект выкарыстання экспазіцыі заключаецца ў фарміраванні паважлівага стаўлення да дзяржаўных  сімвалаў, інстытутаў дзяржаўнай улады Рэспублікі Беларусь, пачуцця патрыятызму і грамадзянскасці.

На выставе прадстаўлены архіўныя матэрыялы, прадастаўленыя Прэзідэнцкай бібліятэкай, Беларускім дзяржаўным архівам кінафотафонадакументаў, фатаграфіі дзяржаўных СМІ, макеты сацыяльна значных аб’ектаў Рэспублікі Беларусь, створаных (пабудаваных) у перыяд з 1996 па 2024 год, QR-коды, якія змяшчаюць фота, відэаматэрыялы, дакументы, што належаць да  дзейнасці Усебеларускіх народных сходаў.

ДАРЭЧЫ. У экспазіцыі – 9 тэматычных стэндаў:

– «Фундамент беларускай дзяржаўнасці»;
– «Народны сход Заходняй Беларусі»;
– «Толькі народ мае права вырашаць свой лёс»;
– «За моцную і квітнеючую Беларусь»;
– «Дзяржава для народа»;
– «Наш гістарычны выбар – незалежная, моцная і квітнеючая Беларусь»;
– «Разам – за моцную і квітнеючую Беларусь!»;
– «Адзінства! Развіццё! Незалежнасць!»;
– «Час выбраў нас».