Усебеларускі народны сход – гарант палітычнай стабільнасці і суверэнітэту
Падзеі
Аб удзеле ў IV Еўразійскім эканамічным форуме
У 2025 г. Рэспубліка Беларусь старшынствуе ў міжнароднай арганізацыі рэгіянальнай эканамічнай інтэграцыі – Еўразійскім эканамічным саюзе.
Адным з важных мерапрыемстваў бягучага года з’яўляецца IV Еўразійскі эканамічны форум, прымеркаваны да пасяджэння Вышэйшага Еўразійскага эканамічнага савета.
Форум праходзіць з 26 па 27 чэрвеня 2025 г. у г.Мінску і сабраў пад сваёй эгідай амаль 2,5 тысячы чалавек з больш як 30 краін свету. Галоўная тэма мерапрыемства – «Стратэгія еўразійскай эканамічнай інтэграцыі: вынікі і перспектывы». Работа Форуму арганізавана ў фармаце пленарнага засяджэння, панэльных сесій, круглых сталоў, сустрэч дзелавых колаў.
Прэзідэнт Рэспублікі Беларусь, Старшыня Усебеларускага народнага сходу Аляксандр Лукашэнка выступіў на пленарным пасяджэнні Форуму з удзелам кіраўнікоў дзяржаў Еўразійскага эканамічнага саюза. У сваім выступленні ён падкрэсліў значнасць рэгіянальнай інтэграцыі, нагадаў пра дасягненні Еўразійскага эканамічнага саюза, а таксама звярнуў увагу на тое, што «заспакойвацца на дасягнутым ні ў якім разе нельга». На яго думку, наперадзе вялікая работа па наданні новага імпульсу інтэграцыі і яе абнаўленні.
«У сітуацыі сусветнай турбулентнасці важна не плесціся ў хвасце падзей, а самім уплываць у пазітыўным ключы на глабальны парадак дня, мець прадуманыя мадэлі рэагавання на знешнія выклікі».
Асобна Прэзідэнт Рэспублікі Беларусь, Старшыня Усебеларускага народнага сходу адзначыў, што Еўразійскі эканамічны саюз мае ўсе неабходныя інструменты для забеспячэння дабрабыту грамадзян.
У рамках мерапрыемстваў Еўразійскага эканамічнага форуму начальнік Сакратарыята Усебеларускага народнага сходу Валерый Міцкевіч прыняў удзел у спецыялізаванай панэльнай сесіі «Права ЕАЭС – стан і перспектывы», якая прайшла 26 чэрвеня 2025 г.
У сваім дакладзе ён звярнуў увагу на важнасць ролі Рэспублікі Беларусь у пабудове інтэграцыйнага правасуддзя, а таксама на адпаведнасць дзейнасці Суда Еўразійскага эканамічнага саюза ўсім патрабаванням у сферы ажыццяўлення судаводства, на сучаснасць, канструктыўнасць і інавацыйнасць Суда. Акрамя таго, ён падкрэсліў адкрытасць Рэспублікі Беларусь для любых ініцыятыў па развіцці лепшых практык вырашэння спрэчак, у тым ліку ў прымяненні да выкарыстання альтэрнатыўных сродкаў урэгулявання рознагалоссяў, актуальнасць паглыблення лічбавізацыі правасуддзя.
Адначасова Валерыем Міцкевічам была ўнесена прапанова стварыць Еўразійскую асацыяцыю прафесійнага саюза юрыстаў з размяшчэннем штаб-кватэры ў г.Мінску ў мэтах умацавання прафесійных сувязей і далейшага паглыблення супрацоўніцтва.
