Усебеларускі народны сход Час выбраў нас!

Аб парадку разгляду зваротаў грамадзян і юрыдычных асоб

Работа са зваротамі грамадзян і юрыдычных асоб, адрасаванымі Усебеларускаму народнаму сходу, яго органам і службовым асобам, ажыццяўляецца ў адпаведнасці з Законам Рэспублікі Беларусь ад 18 ліпеня 2011 г. № 300-З "Аб зваротах грамадзян і юрыдычных асоб", іншымі заканадаўчымі актамі.

У адпаведнасці з пунктам 1 Часовага палажэння аб Сакратарыяце Усебеларускага народнага сходу, зацверджанага Указам Прэзідэнта Рэспублікі Беларусь ад 16 лютага 2024 г. № 56, Сакратарыят Усебеларускага народнага сходу з'яўляецца рабочым органам Усебеларускага народнага сходу, які забяспечвае ажыццяўленне Усебеларускім народным сходам сваіх паўнамоцтваў. У адпаведнасці з падпунктам 6.17 пункта 6 названага Часовага палажэння Сакратарыят Усебеларускага народнага сходу забяспечвае арганізацыю разгляду паступаючых зваротаў грамадзян і юрыдычных асоб.

1. Патрабаванні, што прад'яўляюцца да зваротаў.

Звароты выкладаюцца на беларускай або рускай мове.

Пісьмовыя звароты грамадзян павінны змяшчаць:

найменне і (або) адрас арганізацыі або пасаду і (або) прозвішча, уласнае імя, імя па бацьку (калі такое ёсць) або ініцыялы асобы, якім накіроўваецца зварот;

прозвішча, уласнае імя, імя па бацьку (калі такое ёсць) або ініцыялы грамадзяніна, адрас яго месца жыхарства (месца знаходжання);

выкладанне сутнасці звароту;

асабісты подпіс грамадзяніна (грамадзян).

Пісьмовыя звароты юрыдычных асоб павінны змяшчаць:

найменне і (або) адрас арганізацыі або пасаду і (або) прозвішча, уласнае імя, імя па бацьку (калі такое ёсць) або ініцыялы асобы, якім накіроўваецца зварот;

поўнае найменне юрыдычнай асобы і яе месца знаходжання;

выкладанне сутнасці звароту;

прозвішча, уласнае імя, імя па бацьку (калі такое ёсць) або ініцыялы кіраўніка або асобы, упаўнаважанай ва ўстаноўленым парадку падпісваць звароты;

асабісты подпіс кіраўніка або асобы, упаўнаважанай ва ўстаноўленым парадку падпісваць звароты.

Тэкст звароту павінен паддавацца прачытанню. Рукапісныя звароты павінны быць напісаны выразным, разборлівым почыркам. Не дапускаецца ўжыванне ў зваротах нецэнзурных або зневажальных слоў альбо выразаў.

Да пісьмовых зваротаў, што падаюцца прадстаўнікамі заяўнікаў, прыкладаюцца дакументы, якія пацвярджаюць іх паўнамоцтвы.

У зваротах павінна змяшчацца інфармацыя аб выніках іх папярэдняга разгляду з прыкладаннем (пры наяўнасці) дакументаў, якія пацвярджаюць гэту інфармацыю.

Электронныя звароты падаюцца праз дзяржаўную адзіную (інтэграваную) рэспубліканскую інфармацыйную сістэму ўліку і апрацоўкі зваротаў грамадзян і юрыдычных асоб і падлягаюць разгляду ў парадку, устаноўленым для разгляду пісьмовых зваротаў, з улікам асаблівасцей, прадугледжаных артыкулам 25 Закона Рэспублікі Беларусь «Аб зваротах грамадзян і  юрыдычных асоб».

2. Тэрміны разгляду зваротаў.

Звароты разглядаюцца ў тэрміны, устаноўленыя ў артыкуле 17 Закона Рэспублікі Беларусь «Аб зваротах грамадзян і юрыдычных асоб».

Так, звароты павінны быць разгледжаны не пазней за пятнаццаць дзён, а звароты, якія патрабуюць дадатковага вывучэння і праверкі, – не пазней за адзін месяц, калі іншы тэрмін не ўстаноўлены заканадаўчымі актамі. У выпадку, калі для вырашэння выкладзеных у зваротах пытанняў неабходны правядзенне пэўных дзеянняў, атрыманне інфармацыі з замежнай дзяржавы ў тэрміны, якія перасягаюць месячны тэрмін, заяўнікам у тэрмін не пазней за адзін месяц з дня, што ідзе за днём паступлення зваротаў, накіроўваецца пісьмовае паведамленне аб прычынах перавышэння месячнага тэрміну і тэрмінах правядзення такіх дзеянняў або тэрмінах разгляду зваротаў па сутнасці.

3. Асаблівасці разгляду ананімных зваротаў.

Ананімныя звароты, гэта значыць звароты заяўнікаў, у якіх не пазначаны прозвішча, уласнае імя, імя па бацьку (калі такое ёсць) або ініцыялы грамадзяніна альбо адрас яго месца жыхарства (месца знаходжання) або найменне юрыдычнай асобы (поўнае або скарочанае) альбо яе месца знаходжання або пазначаныя даныя не адпавядаюць рэчаіснасці, не падлягаюць разгляду, калі яны не змяшчаюць звестак аб рыхтуемым, учыняемым або ўчыненым злачынстве.

4. Асаблівасці разгляду зваротаў у адпаведнасці з заканадаўствам аб канстытуцыйным судаводстве.

Звароты грамадзян і арганізацый, у якіх ставіцца пытанне аб звароце Прэзідыума Усебеларускага народнага сходу ў Канстытуцыйны Суд Рэспублікі Беларусь з прапановай аб дачы заключэння аб адпаведнасці Канстытуцыі Рэспублікі Беларусь закона Рэспублікі Беларусь, указа Прэзідэнта Рэспублікі Беларусь, пастановы Савета Міністраў, нарматыўнага прававога акта іншага дзяржаўнага органа (далей – ініцыятыўныя звароты), падаюцца ў парадку, устаноўленым артыкулам 103 Закона Рэспублікі Беларусь ад 8 студзеня 2014 г. № 124-З «Аб канстытуцыйным судаводстве».

Ініцыятыўны зварот можа быць пададзены, калі з дня ўступлення ў сілу рашэння дзяржаўнага органа або судовай пастановы, у якіх прыменены адпаведны нарматыўны прававы акт, мінула не больш за адзін год.

Ініцыятыўны зварот падаецца ў пісьмовай або электроннай форме ў парадку і з улікам патрабаванняў, устаноўленых заканадаўствам аб зваротах грамадзян і юрыдычных асоб, а таксама павінен змяшчаць наступныя звесткі:

від і назву нарматыўнага прававога акта, прымененага ў канкрэтных рашэнні дзяржаўнага органа або судовай пастанове, прапанову аб дачы заключэння аб адпаведнасці Канстытуцыі Рэспублікі Беларусь якога прапануецца накіраваць у Канстытуцыйны Суд Рэспублікі Беларусь, дату прыняцця (выдання) і рэгістрацыйны нумар нарматыўнага прававога акта;

пазіцыю грамадзяніна, у тым ліку індывідуальнага прадпрымальніка, арганізацыі па пастаўленым у звароце пытанні і яе прававое абгрунтаванне са спасылкай на адпаведныя нормы Канстытуцыі Рэспублікі Беларусь;

пералік прыкладзеных да звароту дакументаў і іншых матэрыялаў, маючых значэнне для разгляду звароту (пры іх наяўнасці).

Да ініцыятыўнага звароту ў абавязковым парадку павінна быць прыкладзена копія рашэння дзяржаўнага органа або судовай пастановы, у якіх прыменены нарматыўны прававы акт, прапанову аб дачы заключэння аб адпаведнасці Канстытуцыі Рэспублікі Беларусь якога прапануецца накіраваць у Канстытуцыйны Суд Рэспублікі Беларусь.

Ініцыятыўныя звароты падлягаюць разгляду ў парадку, устаноўленым заканадаўствам аб зваротах грамадзян і юрыдычных асоб, з улікам асаблівасцей, устаноўленых Законам Рэспублікі Беларусь «Аб канстытуцыйным судаводстве», а таксама актамі заканадаўства, якія  рэгламентуюць пытанні дзейнасці Прэзідыума Усебеларускага народнага сходу. Рашэнні, прынятыя па выніках разгляду такіх зваротаў, з'яўляюцца канчатковымі і абскарджанню не падлягаюць.

5. Пакіданне зваротаў без разгляду па сутнасці.

Звароты могуць быць пакінуты без разгляду па сутнасці, калі:

звароты не адпавядаюць патрабаванням, устаноўленым пунктамі 1 – 6 артыкула 12 Закона Рэспублікі Беларусь «Аб зваротах грамадзян і юрыдычных асоб» (электронныя звароты – патрабаванням, устаноўленым часткамі першай – трэцяй пункта 2 артыкула 25 гэтага Закона), патрабаванням, устаноўленым заканадаўствам аб канстытуцыйным судаводстве;

звароты падлягаюць разгляду ў адпаведнасці з заканадаўствам аб канстытуцыйным судаводстве, грамадзянскім, грамадзянскім працэсуальным, гаспадарчым працэсуальным, крымінальна-працэсуальным заканадаўствам, заканадаўствам, якое вызначае парадак адміністрацыйнага працэсу, заканадаўствам аб адміністрацыйных працэдурах, звароты з'яўляюцца зваротамі работніка да наймальніка або ў адпаведнасці з заканадаўчымі актамі ўстаноўлены іншы парадак падачы і разгляду такіх зваротаў;

звароты змяшчаюць пытанні, вырашэнне якіх не адносіцца да кампетэнцыі Усебеларускага народнага сходу, яго органаў і службовых асоб;

прапушчаны без уважлівай прычыны тэрмін падачы скаргі;

заяўнікам пададзены паўторны зварот і ў ім не змешчаны новыя абставіны, якія маюць значэнне для разгляду звароту па сутнасці;

з заяўнікам спынена перапіска па выкладзеных у звароце пытаннях;

звароты змяшчаюць пагрозы жыццю, здароўю і маёмасці, пабуджэнне да ўчынення проціпраўнага дзеяння або заяўнік іншым спосабам злоўжывае правам на зварот.