Усебеларускі народны сход Час выбраў нас!

Прававы статус дэлегата
Усебеларускага народнага сходу

Прававы статус дэлегата Усебеларускага народнага сходу (УНС, Сход) вызначаецца Канстытуцыяй Рэспублікі Беларусь, Законам Рэспублікі Беларусь ад 7 лютага 2023 г. № 248-З «Аб Усебеларускім народным сходзе», іншымі актамі заканадаўства.

Дэлегатамі УНС могуць быць грамадзяне Рэспублікі Беларусь, якія валодаюць выбарчым правам. Дэлегаты не маюць права мець грамадзянства (падданства) іншай дзяржавы і (або) дакументы замежных дзяржаў, якія прадастаўляюць правы на льготы і перавагі ў сувязі з палітычнымі, рэлігійнымі поглядамі або нацыянальнай прыналежнасцю.

Дэлегат УНС прымае ўдзел у рабоце Сходу без адрыву ад працоўнай (службовай) дзейнасці, калі іншае не ўстаноўлена Канстытуцыяй Рэспублікі Беларусь і Законам Рэспублікі Беларусь «Аб Усебеларускім народным сходзе». Дэлегат вызваляецца ад выканання працоўных (службовых) абавязкаў па месцы работы (службы) на час ажыццяўлення ім сваіх паўнамоцтваў.

На пасяджэннях УНС дэлегаты на аснове калектыўнага, раўнапраўнага і свабоднага абмеркавання разглядаюць і вырашаюць пытанні, аднесеныя Канстытуцыяй Рэспублікі Беларусь, Законам «Аб Усебеларускім народным сходзе» і іншымі законамі да кампетэнцыі Сходу.

Дэлегат УНС мае права:
атрымліваць ад дзяржаўных органаў, іншых арганізацый і службовых асоб інфармацыю і (або) растлумачэнні па пытаннях, аднесеных да кампетэнцыі УНС, а таксама звязаных з дзейнасцю дэлегата;
вывучаць грамадскую думку, праводзіць сустрэчы з насельніцтвам і працоўнымі калектывамі, іншым спосабам даводзіць да грамадскасці інфармацыю аб дзейнасці УНС і яго органаў, а таксама аб рашэннях Сходу;
уносіць у парадку, устаноўленым Рэгламентам УНС, прапановы для разгляду на пасяджэннях Сходу і яго органаў.

Дзяржаўныя органы, іншыя арганізацыі і службовыя асобы аказваюць садзейнічанне дэлегату УНС у рэалізацыі ім сваіх паўнамоцтваў.

Дэлегат УНС абавязаны ўдзельнічаць у пасяджэннях Сходу і рабоце яго органаў, членам якіх ён з’яўляецца. Невыкананне дэлегатам названага абавязку без уважлівых прычын з’яўляецца падставай для пазбаўлення ўстаноўленых законам гарантый.

Дэлегату УНС на перыяд ажыццяўлення ім сваіх паўнамоцтваў выдаюцца пасведчанне, якое з’яўляецца дакументам, што пацвярджае яго прававы статус, і нагрудны знак.

Форма пасведчання дэлегата УНС, а таксама палажэнне аб нагрудным знаку дэлегата, яго апісанне і выява зацверджаны Указам Прэзідэнта Рэспублікі Беларусь ад 15 красавіка 2024 г. № 153 «Аб заснаваннi нагруднага знака».

Форма пасведчання дэлегата УНС

Правы бок

Адваротны бок

Выява нагруднага знака «Дэлегат Усебеларускага народнага сходу»