Усебеларускі народны сход – гарант палітычнай стабільнасці і суверэнітэту
Першае пасяджэнне
Прэзідэнт Рэспублікі Беларусь, Старшыня Усебеларускага народнага сходу Аляксандр Лукашэнка правёў пасяджэнне Прэзідыума Усебеларускага народнага сходу
Першае пасяджэнне Прэзідыума УНС адбылося 19 лістапада 2024 г. у Палацы Незалежнасці.
У пачатку мерапрыемства Кіраўнік дзяржавы абазначыў ключавыя прыярытэты ў рабоце новага вышэйшага прадстаўнічага органа народаўладдзя, адзначыўшы, што Усебеларускі народны сход не павінен нікому перашкаджаць працаваць, стаяць над іншымі органамі ўлады, а павінен займацца выключна сваімі пытаннямі, вызначанымі ў Канстытуцыі Рэспублікі Беларусь. «З гэтага павінны зыходзіць і структура, і ўзаемаадносіны Прэзідыума, Старшыні УНС з дэлегатамі Усебеларускага народнага сходу», – сказаў Аляксандр Лукашэнка.
У парадак дня пасяджэння Прэзідыума УНС былі ўключаны пытанні ўзаемадзеяння з дэлегатамі ў перыяд паміж пасяджэннямі Сходу, павышэння статусу старшынь раённых выканаўчых камітэтаў у мэтах узмацнення іх ролі ў развіцці рэгіёнаў (удзельнікі пасяджэння абмеркавалі праект адпаведнага Указа Кіраўніка дзяржавы), а таксама пытанне аб колькасці суддзяў Вярхоўнага Суда.
Вынікам грунтоўнай дыскусіі сталі рашэнні па асноўных пытаннях парадку дня.
Так, удзельнікі пасяджэння прыйшлі да высновы аб неабходнасці сістэматызацыі новых паўнамоцтваў кіраўнікоў раёнаў у адзіным заканадаўчым акце. Прыярытэтам у іх рабоце павінна стаць прадухіленне адтоку кадраў і актыўнае ўключэнне ў эканоміку рэгіёнаў незанятага насельніцтва. Акрамя таго, на пасяджэнні Прэзідыума прынята рашэнне аб скарачэнні колькасці суддзяў Вярхоўнага Суда з 76 да 71. Як растлумачыў кіраўнік вышэйшага судовага органа, такое змяншэнне абумоўлена стварэннем новага Апеляцыйнага эканамічнага суда, які фарміруецца за кошт уласных рэзерваў судовай сістэмы, гэта значыць без павелічэння агульнай штатнай колькасці суддзяў.
