Усебеларускі народны сход – гарант палітычнай стабільнасці і суверэнітэту
Інтэрв'ю, публікацыі, меркаванні
Чаму гэта важна: меркаванні дэлегатаў аб актуальным
Ганна ВЕРАМЕЙЧЫК, ганаровы грамадзянін Драгічынскага раёна:
«Наша задача – берагчы свяшчэнную памяць»
– Захаванне гістарычнай памяці невыпадкова стала краевугольным каменем кансалідацыі нашага грамадства і нават нашага канстытуцыйнага ладу. Перамога ў Вялікай Айчыннай вайне была і застаецца той асновай, на якой мы канчаткова сфарміраваліся і як нацыя, і як дзяржава. Мы цэнім подзвіг савецкага народа. Мы ўспрымаем наступныя пакаленні як нашчадкаў пераможцаў. Мы не дапускаем перагляду той гісторыі, таму што гэта дазваляе нам быць самадастатковым народам, здольным адстаяць і абараніць свае каштоўнасці і традыцыі.
Няма ў нашай краіне сям'і, якую не закранула б вайна. Кожны трэці беларус заплаціў за Перамогу сваім жыццём. Таму наша задача – берагчы гэту свяшчэнную памяць, расказваць пра Вялікую Айчынную вайну маладому пакаленню. Цудоўна, што не толькі напярэдадні юбілейных дат у нашай краіне праходзіць мноства мерапрыемстваў на гэту тэму. Бо, успамінаючы пра вайну, мы, на самай справе, гаворым пра мір.
Дзмітрый ЮРАШЭВІЧ, урач-анестэзіёлаг-рэаніматолаг аддзялення анестэзіялогіі і рэанімацыі УАЗ «Драгічынская цэнтральная раённая бальніца»:
«Жыллёвая праблема маладых медыкаў планамерна вырашаецца»
– Магчымасць атрымаць уласнае жыллё – гэта адзін з найбольш даступных варыянтаў для паляпшэння жыллёвых умоў, а таксама важны інструмент для забеспячэння рабочай сілы, росту актыўнасці насельніцтва і развіцця эканомікі. Новы Указ Прэзідэнта аб прадастаўленні арэнднага жылля дае маладым спецыялістам магчымасць набываць ва ўласнасць арэнднае жыллё, прадастаўленае ў сувязі з працаўладкаваннем. Гэта будзе садзейнічаць замацаванню спецыялістаў у невялікіх населеных пунктах. Паколькі вырашэнне жыллёвага пытання для любога грамадзяніна немалаважнае і мае першараднае значэнне, то ў такіх гарадах, як наш Драгічын, атрымаць арэнднае жыллё можна будзе значна хутчэй.
Для ўсіх нашых маладых спецыялістаў, якія прыехалі ў Драгічын і заступілі на першае месца работы, прадастаўляецца арэнднае жыллё. На сённяшні дзень 16 урачоў і 14 работнікаў сярэдняга медыцынскага персаналу Драгічынскай раённай цэнтральнай бальніцы пражываюць у арэндных кватэрах. Ёсць медыкі, у якіх ужо завяршыўся тэрмін адпрацоўкі, але яны прадаўжаюць працаваць у Драгічынскай ЦРБ, арэнднае жыллё ім прадастаўляецца, пакуль яны працуюць у нас. Можа, дзякуючы Указу Прэзідэнта Рэспублікі Беларусь ад 19 чэрвеня 2025 г. № 235, які накіраваны на пашырэнне сацыяльна-прававых гарантый у сферы жыллёвых адносін грамадзян з прадастаўленнем ім права набыцця ва ўласнасць арэнднага жылля, у бліжэйшай будучыні нашы медыцынскія работнікі абзавядуцца сваім жыллём і застануцца ў нас назаўсёды.
Любоў МАКАРЭВІЧ, галоўны заатэхнік адкрытага акцыянернага таварыства «Аляксеевічы-Агра»:
«Уборачная кампанія пройдзе на высокім узроўні»
– Сельская гаспадарка – гэта без перабольшання стратэгічная галіна для нашай краіны. Дзякуючы дасягнутаму ўзроўню мы не толькі забяспечваем уласную харчовую бяспеку, але і экспартуем яе, зарабляючы немалыя грошы.
Менавіта таму Кіраўніком дзяржавы сельгасвытворчасці ўдзяляецца такая пільная ўвага. Яго патрабаванне забяспечыць высокую якасць уборачнай кампаніі абсалютна абгрунтавана. Для гэтага на месцах вядзецца штодзённая работа, нацэленая на рэалізацыю гэтай задачы: ад забеспячэння механізатарскімі кадрамі да бесперабойнай работы тэхнікі, дысцыпліны і захаванасці ўраджаю. Упэўнена, што цяперашняя ўборачная кампанія ў нашым рэгіёне пройдзе на высокім арганізацыйным узроўні, і нягледзячы на няпростыя ўмовы надвор'я, мы атрымаем максімальна магчымы вынік.
