Усебеларускі народны сход Час выбраў нас!

Падзеі

У Гродзенскай вобласці падвялі вынікі за першае паўгоддзе 2025 года

На пасяджэнні Гродзенскага аблвыканкама 28 жніўня абмеркавалі вынікі сацыяльна-эканамічнага развіцця рэгіёна і выкананне бюджэту за першае паўгоддзе 2025 года.

У мерапрыемстве ўдзельнічалі дэлегаты сёмага Усебеларускага народнага сходу старшыня Гродзенскага аблвыканкама Юрый Караеў, старшыня Гродзенскага абласнога Савета дэпутатаў Алена Пасюта і іншыя службовыя асобы.

У студзені – чэрвені 2025 г. эканоміка вобласці дэманстравала стабільны рост па ключавых напрамках. Галоўны паказчык – валавы рэгіянальны прадукт – склаў 12,6 млрд рублёў, што на 100,9 % вышэй за ўзровень аналагічнага перыяду 2024 года.

Эканоміка Гродзенскай вобласці грунтуецца на сельскай гаспадарцы з акцэнтам на малочнай і мясной жывёлагадоўлі, а таксама на развітой апрацоўчай прамысловасці, у першую чаргу вытворчасці прадуктаў харчавання, хімічнай прадукцыі, тэкстылю і вырабаў са скуры. Рэгіён актыўна развівае энергетыку, у тым ліку атамную і аднаўляльныя крыніцы.

– У цэлым спраўляемся добра. Але ёсць такое паняцце, як эканамічная дысцыпліна. Паказчыкі растуць няроўна. Па валавым рэгіянальным прадукце крыху не дацягнулі да задання. Яго нам заўсёды даюць з запасам, каб не расслабляліся, – падкрэсліў Юрый Караеў.

Прамысловасць рэгіёна забяспечыла выпуск прадукцыі на суму 11,8 млрд рублёў, што складае 11,5 % ад агульнага аб'ёму рэспублікі. Асабліва вырасла вытворчасць прадуктаў харчавання, напіткаў, вырабаў з дрэва і паперы, а таксама гумавых і пластыкавых тавараў.

– Склады трэба разгружаць, а прадпрыемствы – паднімаць. Гэта наш драйвер. Што датычыцца будаўніцтва і транспарту – тут шмат залежыць ад кіраўнікоў, – дапоўніў кіраўнік вобласці.

У вобласці ўведзена ў эксплуатацыю больш за 182 000 кв. метраў жылля, што вышэй за план. Для маючых патрэбу ў паляпшэнні жыллёвых умоў, пабудавана 68 100 кв. метраў, з іх большая частка – з дзяржпадтрымкай. Шматдзетныя сем'і атрымалі 508 кватэр.

Па зарплатах рэгіён нават перавыконвае заданні. Сярэдняя налічаная зарплата павялічылася на 18,1 %

Усяго ў эканоміцы рэгіёна занята амаль 435 000 чалавек. На рынку працы захоўваецца стабільная сітуацыя: колькасць вакансій вырасла, а беспрацоўе засталося на вельмі нізкім узроўні. Пры садзейнічанні службы занятасці знайшлі работу амаль 10 000 чалавек, у тым ліку 2 700 беспрацоўных.

За першае паўгоддзе у эканоміку рэгіёна ўкладзена звыш 2,2 млрд рублёў інвестыцый.

На нарадзе было адзначана, што Гродзенская вобласць упэўнена развіваецца, дадатная дынаміка прасочваецца ў сферах прамысловасці, гандлю, паслуг, будаўніцтва. Юрый Караеў яшчэ раз закрануў задачы, якія павінны быць рэалізаваны да канца года:

– Першарадная з іх – забеспячэнне павышэння продажаў прадукцыі нашых прамысловых прадпрыемстваў, паляпшэнне іх эканамічнага стану нават там, дзе ўсё добра. Таксама важна забяспечыць камфортныя ўмовы для жыцця ў сельскай мясцовасці, накіраваўшы сродкі на развіццё інфраструктуры. Адным з галоўных паказчыкаў работы райвыканкамаў будзе замацавальнасць маладых спецыялістаў у сельскагаспадарчых арганізацыях.

Паводле матэрыялаў «СБ. Беларусь сегодня».