Усебеларускі народны сход – гарант палітычнай стабільнасці і суверэнітэту
Падзеі
Старшынёй Канстытуцыйнага Суда выбраны Сяргей Сівец
Старшынёй Канстытуцыйнага Суда Беларусі выбраны Сяргей Сівец. Такое рашэнне прынята VII Усебеларускім народным сходам аднагалосна па выніках правядзення адкрытага галасавання.
"Вялікая падзея ў жыцці чалавека. Тым больш, маладога чалавека, якога мы паднімаем на такую вышыню і вельмі спадзяёмся, што ён будзе дастойным прадстаўніком і старшынёй Канстытуцыйнага Суда", - даваў наказ Сяргею Сіўцу Прэзідэнт Беларусі, Старшыня УНС Аляксандр Лукашэнка.
Кіраўнік дзяржавы звярнуў увагу, што ў Канстытуцыйным Судзе працуюць лепшыя правазнаўцы, таму іх трэба больш шырока выкарыстоўваць у рабоце па фарміраванні беларускіх законаў і заканадаўства ў цэлым. "І асабліва па кантролі і, можа, папярэднім кантролі. Чаго мы будзем спасылацца на нейкія пастулаты, якім нас вучылі дэмакратычныя так званыя краіны. У нас ёсць свая краіна. Мы павінны заўсёды ствараць тыя законы, па якіх мы будзем жыць і працаваць. І будзем ствараць больш дасканалыя законы, каб не даводзілася так часта мяняць", - падкрэсліў Прэзідэнт.
Акрамя таго, аднагалосна на пасаду суддзі Канстытуцыйнага Суда выбраны Наталля Карповіч, Павел Грыдзюшка, Аляксандр Каравай, Андрэй Кавальчук, Таццяна Праташчык, Алена Сямашка.
Паводле матэрыялаў БЕЛТА
