Усебеларускі народны сход – гарант палітычнай стабільнасці і суверэнітэту
Падзеі
Сяргей Мялешкін: стварэнне вялікай сям'і павінна стаць нацыянальнай ідэяй беларусаў
8 ліпеня 2025 г. дэлегат Усебеларускага народнага сходу, член Пастаяннай камісіі Савета Рэспублікі Нацыянальнага сходу Рэспублікі Беларусь па міжнародных справах і нацыянальнай бяспецы, начальнік установы «Віцебскае абласное ўпраўленне МНС Рэспублікі Беларусь» Сяргей Мялешкін прыняў удзел у сумесным мерапрыемстве Віцебскага абласнога ўпраўлення МНС і Віцебскай епархіі па падтрыманні традыцыйнага інстытута сям'і.
8 ліпеня ў праваслаўі адзначаецца як дзень памяці святых князя Пятра і яго жонкі Фяўроніі. Пётр і Фяўронія - заступнікі сям'і і шлюбу. Іх шлюб многія стагоддзі з'яўляецца ўзорам хрысціянскага шлюбу. Сваёй мэтай арганізатары мерапрыемства - Віцебская епархія і Віцебскае абласное ўпраўленне МНС - ставяць захаванне ў грамадстве каштоўнасцей традыцыйнай сям'і.
Адкрываючы мерапрыемства, Сяргей Мялешкін адзначыў, што сям'я - гэта ўнікальны свет, напоўнены любоўю, клопатам і падтрымкай.
- У сям'і мы знаходзім суцяшэнне ў цяжкія часы і падзяляем радасць у моманты шчасця. У сям'і нараджаюцца і выхоўваюцца дзеці, якія становяцца прадаўжэннем нашай дзяржаўнасці, захавальнікамі культурных і духоўных каштоўнасцей. Стварэнне вялікай сям'і павінна стаць нашай нацыянальнай ідэяй.
Паводле задумы арганізатараў, парам, а іх сабралася - 25, трэба было прайсці выпрабаванні на трываласць, кемлівасць і аднадушнасць у сям'і. Мерапрыемства атрымалася эмацыянальна насычаным і відовішчным, адзін з прадстаўнікоў службы выратавання зрабіў прапанову сваёй каханай.
Кожная пара атрымала падарункі ад арганізатараў мерапрыемства, а таксама сімвал свята - букет з рамонкаў, а фінальнай кропкай стаў малебен у Свята-Успенскім кафедральным саборы Віцебска.
