Усебеларускі народны сход – гарант палітычнай стабільнасці і суверэнітэту
Падзеі
Парламентарыі разгледзяць законапраект аб забеспячэнні ваеннай бяспекі і абароны
У Палату прадстаўнікоў паступіў праект закона "Аб змяненні законаў па пытаннях забеспячэння ваеннай бяспекі і абароны".
Дакумент распрацаваны Міністэрствам абароны ў мэтах рэалізацыі плана мерапрыемстваў па рэалізацыі пункта 2 рашэння Усебеларускага народнага сходу ад 25 красавіка 2024 года нумар 6 "Аб зацвярджэнні Ваеннай дактрыны Рэспублікі Беларусь".
Праектам закона прадугледжваецца ўнясенне змяненняў у законы Рэспублікі Беларусь "Аб абароне", "Аб Узброеных Сілах Рэспублікі Беларусь", "Аб ваенным становішчы".
У прыватнасці, прадугледжваюцца ўзгадненне тэрміналогіі названых законаў з палажэннямі Ваеннай дактрыны, прывядзенне ў адпаведнасць з ёю паўнамоцтваў Прэзідэнта Рэспублікі Беларусь, Савета бяспекі Рэспублікі Беларусь, Міністэрства абароны і Генеральнага штаба Узброеных Сіл у галіне абароны; удакладненне і канкрэтызацыя задач Узброеных Сіл, функцый Генеральнага штаба Узброеных Сіл па забеспячэнні ваеннай бяспекі і ўзброенай абароны Рэспублікі Беларусь; прывядзенне ў адпаведнасць з Ваеннай дактрынай пераліку ваенных пагроз, якія з'яўляюцца падставай для ўвядзення ваеннага становішча на тэрыторыі Рэспублікі Беларусь; аднясенне акта ўзброенай агрэсіі з боку якой-небудзь дзяржавы (кааліцыі дзяржаў), учыненага супраць Саюзнай дзяржавы, да нападзення, што з'яўляецца падставай для ўвядзення ваеннага становішча на тэрыторыі Рэспублікі Беларусь.
Паводле матэрыялаў БЕЛТА
