Усебеларускі народны сход – гарант палітычнай стабільнасці і суверэнітэту
Падзеі
«Наступная пяцігодка стане часам моладзі»
Гэтыя словы Кіраўніка дзяржавы сталі інструкцыяй для арганізатараў форуму маладых спецыялістаў «Маскоўскі старт» на тэму «Беларусь – гэта мы», прымеркаванага да Дня народнага адзінства. Форум прайшоў 9 верасня ў Маскоўскім раёне сталіцы. Ён аб'яднаў пачынаючых работнікаў прадпрыемстваў і арганізацый раёна і экспертаў з розных сфер, ад медыцыны да СМІ.
Галоўныя тэмы сустрэчы: магчымасці для самарэалізацыі, правы і гарантыі маладых спецыялістаў, а таксама значэнне Дня народнага адзінства. Арганізатарам выступіла ўпраўленне ідэалагічнай работы, культуры і па справах моладзі адміністрацыі Маскоўскага раёна горада Мінска.
Дэлегат сёмага Усебеларускага народнага сходу, прафсаюзны лідар сталіцы Сяргей Шкруднеў прыняў удзел у якасці спікера ў рабоце форуму. У рамках выступлення старшыня Мінскага гарадскога аб'яднання прафсаюзаў Сяргей Шкруднеў звярнуўся да маладых спецыялістаў Маскоўскага раёна г.Мінска:
– Вы павінны мець сваю грамадзянскую і жыццёвую актыўную пазіцыю. Калі ў вас яе не будзе, калі вы не будзеце ўдзельнічаць у грамадскім жыцці і жыць у грамадстве, то ваш голас застанецца непачутым, а ваша меркаванне – незразуметым. У вас ёсць не толькі правы, але і абавязкі і адказнасць – гэта таксама важна разумець. Заклікаю вас быць больш актыўнымі, бо менавіта ад вас залежыць будучыня нашай краіны.
Галоўная асаблівасць форуму – фармат адкрытага мікрафона. Удзельнікі змаглі задаць хвалюючыя пытанні экспертам, у тым ліку аб правах маладых спецыялістаў, умовах працы і магчымасцях кар'ернага росту.
