Усебеларускі народны сход – гарант палітычнай стабільнасці і суверэнітэту
Падзеі
На пасяджэнні Падліковай камісіі УНС разгледзелі парадак правядзення галасавання
Пасяджэнне пад кіраўніцтвам старшыні Падліковай камісіі УНС Іны Мядзведзевай адбылося на базе ЦВК напярэдадні маштабнай палітычнай падзеі - другога пасяджэння VII Усебеларускага народнага сходу.
Асноўнай тэмай стала абмеркаванне парадку работы Падліковай камісіі. У час пасяджэння дэталёва разгледзелі парадак правядзення як адкрытага, так і тайнага галасавання. Асаблівая ўвага была ўдзелена працэсу падрыхтоўкі і парадку правядзення тайнага галасавання. Члены камісіі прапрацавалі ўсе працэсы, звязаныя з падлікам галасоў і далейшым абвяшчэннем вынікаў.
"Асноўная задача Падліковай камісіі - забяспечыць празрысты і аб'ектыўны працэс галасавання", - падкрэсліла Іна Мядзведзева. Яна таксама адзначыла, што парадкам дня пасяджэння УНС правядзенне адкрытага і тайнага галасавання запланавана на другі дзень. "На тайнае галасаванне будзе вынесена адно пытанне аб выбранні члена Прэзідыума УНС, і для эфектыўнай арганізацыі гэтага галасавання прадугледжана 9 участкаў для галасавання згодна са сфарміраванымі групамі дэлегатаў. За кожным участкам замацаваны члены Падліковай камісіі", - праінфармавала яна.
Паводле матэрыялаў БЕЛТА
