Усебеларускі народны сход – гарант палітычнай стабільнасці і суверэнітэту
Падзеі
Моцныя рэгіёны, арэнднае жыллё, якасныя дарогі: Мінэканомікі агучыла прыярытэты Праграмы 2026 – 2030
Намеснік Міністра эканомікі Рэспублікі Беларусь Марыя Мажынская выступіла з дакладам аб ходзе распрацоўкі праекта Праграмы сацыяльна-эканамічнага развіцця Беларусі на 2026 – 2030 гады на пасяджэнні міжсектаральнай групы па эканамічных пытаннях Савета па ўстойлівым развіцці, якое адбылося 28 жніўня 2025 г.
Паводле слоў спікера, дакумент уключае алічбаваныя паказчыкі і канкрэтныя задачы, накіраваныя на дасягненне стратэгічных прыярытэтаў краіны.
Намеснік Міністра сцісла ахарактарызавала кожны прыярытэтны напрамак праекта Праграмы 2026 – 2030.
«Пад «Моцнымі рэгіёнамі» маецца на ўвазе стварэнне прывабных і камфортных умоў жыцця ў любым пункце краіны.
Дасягненне прыярытэту «Арэнднае жыллё» бачым праз актывізацыю жыллёвага будаўніцтва: арэнднага, індывідуальнага, рэнавацыі і інш. І ўсё гэта, у першую чаргу, для падтрымкі моладзі, стымулявання нараджальнасці і прыцягнення рабочай сілы ў рэгіёны.
«Якасныя дарогі» - гэта перш за ўсё даступная і развітая інфраструктура, якая задавальняе запыты грамадства на высокую мабільнасць. Таму за пяцігоддзе плануецца адрамантаваць каля 25 тыс. км дарог.
Прыярытэт «Турызм» дасць магчымасць прапанаваць новую якасць і высокую даступнасць турыстычных паслуг, ствараючы тым самым прывабны турыстычны брэнд Беларусі. Ставіцца задача павялічыць уклад галіны ў ВУП больш як у 1,6 раза.
Прыярытэт «Лічбавізацыя і тэхналогіі» вырашае задачы забеспячэння тэхналагічнай самадастатковасці, стварэння новых айчынных тэхналогій у прыярытэтных сферах. Прадоўжыцца лічбавізацыя кіраўніцкіх працэсаў, перавод адміністрацыйных працэдур у электронны фармат», – растлумачыла Марыя Мажынская.
Рэзюмуючы, прадстаўнік Міністэрства эканомікі падкрэсліла, што рэалізацыя гэтай Праграмы забяспечыць устойлівае развіццё краіны і створыць больш спрыяльныя ўмовы для жыцця і работы кожнага грамадзяніна.
Паводле матэрыялаў «СБ. Беларусь сегодня» і інтэрнэт-сайта Міністэрства эканомікі.
