Усебеларускі народны сход – гарант палітычнай стабільнасці і суверэнітэту
Падзеі
Комплексны погляд на развіццё краіны і ўключанасць кожнага
29 ліпеня 2025 г. адбылася сустрэча актыву Мінскай гарадской арганізацыі РГА «Белая Русь» з Вадзімам Богушам, членам Прэзідыума Усебеларускага народнага сходу, рэктарам Беларускага дзяржаўнага ўніверсітэта інфарматыкі і радыёэлектронікі.
Мадэратарам сустрэчы выступіла Наталля Воранава, старшыня Мінскай гарадской арганізацыі РГА «Белая Русь», дэпутат Мінскага гарадскога Савета дэпутатаў.
Больш за 150 сталічных актывістаў аб'яднання мелі магчымасць даведацца аб рабоце Усебеларускага народнага сходу ў новым канстытуцыйным статусе – вышэйшага прадстаўнічага органа народаўладдзя Рэспублікі Беларусь, які забяспечвае непахіснасць канстытуцыйнага ладу, пераемнасць пакаленняў і грамадзянскую згоду.
Ключавыя тэмы мерапрыемства:
-Канстытуцыя Рэспублікі Беларусь — як прававая аснова духоўнай і грамадзянскай ідэнтычнасці;
-актыўны ўдзел РГА «Белая Русь» у рэалізацыі сацыяльнай палітыкі;
-механізмы ўключэння насельніцтва ў дыялог з дзяржавай;
-пытанні і прапановы актывістаў па вырашэнні задач сацыяльна-эканамічнага развіцця краіны.
Былі абмеркаваны пытанні работы з моладдзю: балансу асобаснага росту і калектыўнай работы, працэдур узаемадзеяння з Прэзідыумам і Сакратарыятам УНС, работы ў інфармацыйным полі, уплыву інфармацыйных тэхналогій на сацыяльную сферу і многія іншыя.
Адзначана, што РГА «Белая Русь» у адпаведнасці з нарматыўнымі дакументамі з'яўляецца суб'ектам грамадзянскай супольнасці, фарміруючым пул дэлегатаў Усебеларускага народнага сходу.
Таксама дэлегаты УНС ад РГА «Белая Русь» г.Мінска абмеркавалі пытанні сацыяльна-эканамічнага развіцця Рэспублікі Беларусь на наступны пяцігадовы перыяд.
