Аб гэтым заявіў дэлегат сёмага Усебеларускага народнага сходу Міністр эканомікі Юрый Чабатар у час рабочай паездкі ў Брэсцкую вобласць.
Кіраўнік Міністэрства прыняў удзел у абмеркаванні праекта Праграмы сацыяльна-эканамічнага развіцця вобласці на 2026 – 2030 гады, што праходзіла на пляцоўцы аблвыканкама.
Як адзначыў Юрый Чабатар, Брэсцкая вобласць – рэгіён, які дынамічна развіваецца. На яе долю прыпадае 11,2 % ВУП, амаль 12,5 % прамысловай вытворчасці і 23 % валавой прадукцыі сельскай гаспадаркі.
«Зладжаная работа працоўных калектываў і паслядоўныя крокі па развіцці рэальнага сектара эканомікі і сацыяльнай сферы дазваляюць вобласці дэманстраваць устойлівы рост. Важна, што кіраўніцтва рэгіёна бачыць перспектыву і актыўна выкарыстоўвае механізмы абноўленага заканадаўства, у тым ліку і інвестыцыйнага: на сёння больш за трэць прынятых рашэнняў аб уключэнні інвестпраектаў у пералік прэферэнцыйных, прыпадае на Брэсцкую вобласць», – адзначыў Міністр.
Ён акцэнтаваў увагу на неабходнасці ўзмацнення прамысловага вектара ў новай пяцігадовай праграме.
«Брэстчына традыцыйна моцная ў харчовай, перапрацоўчай, лёгкай прамысловасці, дрэваапрацоўцы і вытворчасці будматэрыялаў. У наступнай пяцігодцы рэгіёнам будзе прадоўжана работа па нарошчванні патэнцыялу вытворчасцей на новай тэхналагічнай базе: плануецца рэалізацыя больш як 70 праектаў. У Пінску і Баранавічах з'явяцца прамысловыя паркі з гатовай інфраструктурай, што дасць магчымасць аператыўна запускаць новыя вытворчыя праекты і павялічыць уклад гэтых тэрыторый у эканоміку рэгіёна. Прадоўжыцца работа па далейшым развіцці горада-спадарожніка Жабінкі. Асаблівая ўвага – Прыпяцкаму Палессю. Ужо сфарміраваны асобны партфель ініцыятыў, які ператворыць гэтыя раёны ў «тэрыторыі асаблівых магчымасцей». І, зразумела, помнім пра малыя раёны – невялікія вытворчасці, заснаваныя на мясцовых кампетэнцыях і сыравіннай базе, павінны з'явіцца і там», – падкрэсліў Юрый Чабатар.
Міністр таксама пабываў у Брэсцкім навукова-тэхналагічным парку, азнаёміўся з перспектыўнымі распрацоўкамі яго рэзідэнтаў.
Рабочая паездка кіраўніка эканамічнага ведамства прадоўжылася ў Жабінкаўскім раёне наведваннем шэрага прадпрыемстваў.
У ТАА «РПКЗ «БелКан» Юрый Чабатар правёў сустрэчу з працоўным калектывам прадпрыемства і азнаёміўся з ходам рэалізацыі праекта па перапрацоўцы і шокавай замарозцы цыбулі, ягад і агародніны.
У кампаніі «КонсулІнвест» кіраўніку Міністэрства расказалі, як будзе ўвасабляцца ў жыццё перспектыўны праект з пула «Рэгіянальнай ініцыятывы» па стварэнні вытворчасці ветэрынарных прэпаратаў.
Паводле матэрыялаў сайта Міністэрства эканомікі Рэспублікі Беларусь.