Усебеларускі народны сход – гарант палітычнай стабільнасці і суверэнітэту
Падзеі
Другое пасяджэнне VII Усебеларускага народнага сходу пройдзе ў Мінску 18-19 снежня
Дадзены афіцыйны старт кампаніі па падрыхтоўцы другога пасяджэння VII Усебеларускага народнага сходу. У адпаведнасці з распараджэннем Старшыні УНС Аляксандра Лукашэнкі ён пройдзе ў Мінску 18-19 снежня 2025 года.
Упершыню пасяджэнне вышэйшага прадстаўнічага органа народаўладдзя склікаецца шляхам выдання распараджэння Старшыні УНС. Першае пасяджэнне VII Усебеларускага народнага сходу адбылося 24-25 красавіка 2024 года і ў адпаведнасці з заканадаўствам склікалася Цэнтральнай выбарчай камісіяй.
Арганізацыйны камітэт па падрыхтоўцы і правядзенні пасяджэнняў VII УНС створаны ў лютым гэтага года. Яго ўзначальвае прэм'ер-міністр Беларусі, а ў склад уваходзіць шэраг вышэйшых службовых асоб, кіраўнікі міністэрстваў, старшыні аблвыканкамаў і Мінскага гарвыканкама, а таксама прадстаўнікі іншых дзяржаўных органаў.
Паводле матэрыялаў БЕЛТА
