Усебеларускі народны сход – гарант палітычнай стабільнасці і суверэнітэту
Падзеі
«Беларусь — дзяржава для народа»
Напярэдадні Дня Незалежнасці Рэспублікі Беларусь намеснік старшыні Пастаяннай камісіі Савета Рэспублікі па эканоміцы, бюджэце і фінансах, старшыня праўлення Беларусбанка Віктар АНАНІЧ у якасці дэлегата Усебеларускага народнага сходу правёў з калектывам банка інфармацыйную сустрэчу «Беларусь — дзяржава для народа».
– Мы з вамі жывём у дзіўны час, — адзначыў, звяртаючыся да аўдыторыі ў зале і падключанай анлайн у рэгіёнах, дэлегат УНС і парламентарый. — Нам выпала ствараць гісторыю, у тым ліку і праз дзейнасць вышэйшага прадстаўнічага органа народаўладдзя — Усебеларускага народнага сходу. Як члену Савета Рэспублікі і як кіраўніку самага буйнога банка краіны мне аказаны высокі гонар і давер быць у складзе дэлегатаў УНС. А значыць трансліраваць ідэі і бачанне эканамічнага і сацыяльнага развіцця дзяржавы звычайнымі грамадзянамі.
УНС стаў важным феноменам нашай палітычнай сістэмы, увасабленнем лепшых традыцый народаўладдзя. І калі асобныя дзяржавы толькі дэкларуюць дэмакратыю і народаўладдзе, наша краіна паказвае, як яны працуюць на практыцы, падкрэсліў В.Ананіч.
– Слоган «Беларусь — дзяржава для народа» стаў не проста брэндам краіны, але і асновай нашай дзяржаўнай ідэалогіі, — сказаў дэлегат УНС. — Работнікі любога прадпрыемства таксама ўносяць уклад у яго ўвасабленне ў жыццё. І не толькі праз выкананне эканамічных паказчыкаў, але і праз сацыяльную місію, арыентаваную на чалавека, а таксама дзякуючы фарміраванню даверу паміж дзяржавай і грамадзянамі.
В.Ананіч адзначыў таксама неабходнасць захавання і данясення да шырокай грамадскасці гісторыі станаўлення УНС.
– Нядаўна дзякуючы ў тым ліку спонсарскай дапамозе Беларусбанка ў сталічнай гімназіі № 37 адкрылася першая ў краіне пастаянная музейная экспазіцыя, прысвечаная гісторыі Усебеларускага народнага сходу, а таксама дасягненням сацыяльна-эканамічнага развіцця краіны з 1996 года да гэтага часу, — падзяліўся В.Ананіч. — Экспазіцыя называецца вельмі сімвалічна «Гісторыя адзінства» і напоўнена фота, пісьмовымі крыніцамі, іншымі экспанатамі, якія паказваюць, як праходзіла станаўленне і развіццё УНС, як у залежнасці ад унутраных і знешніх фактараў мянялася рыторыка Кіраўніка дзяржавы ў зваротах да УНС.
