Усебеларускі народны сход – гарант палітычнай стабільнасці і суверэнітэту

Галоўная / Медыя / Падзеі
Падзеі

Аляксандр Лукашэнка: праца работнікаў органаў дзяржстатыстыкі застаецца асновай для стратэгічнага планавання

23.08.2025
Аляксандр Лукашэнка: праца работнікаў органаў дзяржстатыстыкі застаецца асновай для стратэгічнага планавання

Прэзідэнт Беларусі, Старшыня Усебеларускага народнага сходу Аляксандр Лукашэнка павіншаваў работнікаў і ветэранаў органаў дзяржаўнай статыстыкі краіны са 105-годдзем з дня ўтварэння органаў дзяржаўнай статыстыкі і прафесійным святам – Днём работнікаў дзяржаўнай статыстыкі.

«Ваша праца заўсёды была і застаецца асновай для стратэгічнага планавання і вызначэння ключавых напрамкаў дзяржаўнай палітыкі, гарантам дакладнасці і празрыстасці ўсіх інфармацыйных патокаў у краіне, – адзначыў Кіраўнік дзяржавы. – Дзякуючы вашай рабоце мы атрымліваем дакладныя і аб'ектыўныя даныя, неабходныя для рэалізацыі сацыяльна-эканамічных ініцыятыў і паляпшэння якасці жыцця беларусаў».

Прэзідэнт выказаў асаблівую ўдзячнасць ветэранам статыстыкі, якія перадаюць маладому пакаленню веды і бясцэнны вопыт.

«Упэўнены, што ваш калектыў і ў далейшым будзе адпавядаць самым высокім стандартам, захоўваючы традыцыі сумленнасці і адданасці сваёй справе. Жадаю вам моцнага здароўя, невычэрпнай энергіі і новых прафесійных дасягненняў у інтарэсах Рэспублікі Беларусь», – адзначыў Аляксандр Лукашэнка.

Паводле матэрыялаў прэс-службы Прэзідэнта Рэспублікі Беларусь і БЕЛТА.