Усебеларускі народны сход – гарант палітычнай стабільнасці і суверэнітэту
Падзеі
Акцыя «Спяём гімн разам» прайшла па ўсёй Беларусі
Кульмінацыяй святкавання Дня Незалежнасці 3 ліпеня стала агульнарэспубліканская грамадска-культурная акцыя «Спяём гімн разам» – перадае карэспандэнт «СБ. Беларусь сегодня».
Гэта самае масавае выкананне Дзяржаўнага гімна Рэспублікі Беларусь. Акцыя адбылася пасля завяршэння гала-канцэрта «Моцныя ў адзінстве, адзіныя ў песні», які прайшоў на пляцоўцы каля абеліска «Мінск — горад-герой».
— У гэтым годзе, у адрозненне ад мінулых гадоў, агульнарэспубліканская акцыя «Спяём гімн разам» упершыню прайшла з прамымі ўключэннямі з гарадоў Беларусі, — расказаў галоўны рэжысёр гала-канцэрта, рэжысёр-пастаноўшчык Маладзёжнага тэатра эстрады Ігар Крывулька. — Гэта былі непасрэдныя прамыя эфіры з розных гарадоў Беларусі, якія мы бачылі на нашай цэнтральнай пляцоўцы. У рэжыме рэальнага часу мы выканалі гімн усёй краінай. Гэта ключавое дзейства ўсяго канцэрта. Акцыю трансліравалі ўсе беларускія тэлеканалы.
Таксама Ігар Крывулька звярнуў увагу яшчэ на адну навацыю:
— Трэба адзначыць, што ў гэтым годзе ў кожнага ўдзельніка акцыі былі свае святлодыёдныя бранзалеты, з дапамогай якіх у час выканання гімна быў створаны «жывы» сцяг. Гэта не тканінавы сцяг, які выкарыстоўвалі раней, а «жывы, пульсуючы» сцяг, які быў створаны з дапамогай бранзалетаў і вялікай колькасці ўдзельнікаў.
Акцыя «Спяём гімн разам» прайшла ва ўсіх абласных цэнтрах і буйных гарадах у рэгіёнах (з насельніцтвам больш за 80 тысяч).
У Мінску акцыя адбылася на самых буйных пляцоўках горада: ля абеліска «Мінск — горад-герой», уключаючы праспект Пераможцаў, Машэрава, прылеглую тэрыторыю, ля Палаца спорту і Нацыянальнай бібліятэкі Беларусі.
Паводле матэрыялаў «СБ. Беларусь сегодня»
